मिति २०८० श्रावण ०८ गते सोमबार नव निर्मित प्रमुख प्रशासकीय भवनको सभाहलमा नगर प्रमुख श्री शिव शंकर महतोज्यू, नगर उपप्रमुख श्री संगिता कुमारी चौधरीज्यू, प्रमुख प्रशासकीय अधिकृत श्री गोपाल प्रसाद बगालेज्यू, वडा नं.१ देखि १४ सम्मका वडाध्यक्षज्यूहरु, वडा नं.१ देखि १४ सम्मका वडा सचिवहरु, आन्तरिक तथा विषयगत शखाका शाखा प्रमुखहरु लगायत शखामा कार्यरत कर्मचारीहरु र सञ्चारकर्मीज्यूहरुको उपस्थितिमा यस धनगढीमाई  नगरपालिका नगर कार्यपालिकाको कार्यालयको गत आ.ब.२०७९।०८० को वार्षिक बजेट तथा कार्यकमको वार्षिक समीक्षाको  प्रस्तुतीकरणमा वडा तथा शाखाको भौतिक तथा वित्तिय प्रगति, चालु तथा पूंजीगत तर्फका कार्यक्रमहरुको समापन भएका कार्यक्रमहरु सम्पन्न भएका योजनाहरुको विवरण सहित समाजिक सुरक्षा भत्ता वितरणको विवरण पेश भई संचार माध्यमका प्रतिनिधि/पत्रकारहरुको उपस्थितिमा उक्त गोष्ठी कार्यक्रम समापन्न भएको थियो ।

उक्त गोष्ठीमा नगर प्रमुखज्यूले नगरपालिकाको समसामायिक गतिविधि तथा गोष्ठीको महत्व बारेमा प्रकाश पार्दै आगामी दिनमा योजना संचालन गर्दा सुधार गर्नु पर्ने कुराहरुमा प्रकाश पार्दै आफ्नो मन्तव्य सहित समीक्षा गोष्ठीको समापन गर्नु भएको थियो । समीक्षा गोष्ठीको केही झलकहरु . . . . . . . .

मिति २०८०।०४।०३ गते यस धनगढीमाई नगरपालिकामा गत एक महिना देखि सञ्चालन हुँदै आएका प्रविधि हस्तान्तरण सहितको सीप मूलक तालिम ३० जना महिलाहरुको लागि सिलाई कटाई तालिम, ३० जना महिलाहरुको लागि व्युटिसियन तालिम र ३० जना पुरुषहरुको लागि इलेक्ट्रिसियन तालिमको एकै साथ समापन गरी प्रमाण-पत्र वितरण तथा प्रविधि हस्तान्तरण भएको छ। व्युटिसियनहरुको लागि व्युटीपार्लरको लागि आवश्यक पर्ने न्यूनतम सामानहरु, सिलाई कटाइको लागि आवश्यक पर्ने सिलाई मेशिन, इलेक्ट्रिसियनको लागि ड्रिल मेशिन सहित ह्यामर, पेचकस लगाएतका इलेक्ट्रिसियन कार्यमा आवश्यक पर्ने सामानहरुको व्याग सहित उपलब्ध गराइएको छ । उक्त तालिम निकै नै उपलब्धीमुलक रहेकोले सहभागीहरु धेरै नै खुशीका साथ सम्बन्धित बिषयहरुको काम गर्न अब धेरै नै जागर र आँट आएको र अब चाँडै नै व्यवसाय सुरु गर्छौः तालिममा सहभागीहरु प्रशिक्षार्थीहरु आ-आफ्नो मन्तब्य राख्नु भइयो।

आज मिति २०७९ चैत्र २० गते सोमबार यस धनगढीमाई नगरपालिका धनगढी सिरहामा सहकारीको दिगोपन : स्वनियमन र सुशासन मूल नारासहित ६६ ‍औं सहकारी दिवसको अवसरमा धनगढी, सिरहामा भव्यताका साथ मनाईएको छ । उक्त कार्यक्रम धनगढीमाई नगरपालिका नगर कार्यपालिकाको कार्यालय धनगढी, सिरहाको प्राङ्गणमा भेला भई प्लेकार्ड र नारा सहित प्रभात फेरी गरी जिरोमाईल बजार परिक्रमा गरी बजारको प्राङ्गणमा गएर कोण सभामा परिणत भई उक्त कार्यक्रम समापन भएको थियो । समापन कार्यक्रममा यस धनगढीमाई नगरपालिका अन्तर्गतका विभिन्न सहकारी संस्थाहरु सहभागी भई अ-आफना मन्तव्य राख्ने कार्यक्रम समेत भएको थियो ।