आज मिति २०७९ चैत्र २० गते सोमबार यस धनगढीमाई नगरपालिका धनगढी सिरहामा सहकारीको दिगोपन : स्वनियमन र सुशासन मूल नारासहित ६६ ‍औं सहकारी दिवसको अवसरमा धनगढी, सिरहामा भव्यताका साथ मनाईएको छ । उक्त कार्यक्रम धनगढीमाई नगरपालिका नगर कार्यपालिकाको कार्यालय धनगढी, सिरहाको प्राङ्गणमा भेला भई प्लेकार्ड र नारा सहित प्रभात फेरी गरी जिरोमाईल बजार परिक्रमा गरी बजारको प्राङ्गणमा गएर कोण सभामा परिणत भई उक्त कार्यक्रम समापन भएको थियो । समापन कार्यक्रममा यस धनगढीमाई नगरपालिका अन्तर्गतका विभिन्न सहकारी संस्थाहरु सहभागी भई अ-आफना मन्तव्य राख्ने कार्यक्रम समेत भएको थियो ।

आज मिति २०७९ फाल्गुन २९ गते राष्ट्रिय आयुर्वेद अनुसन्धान तथा तालिम केन्द्र किर्तिपुर, काठमाडौं र यस नगरपालिकाको सहकार्यमा राष्ट्रिय प्रादेशिक आयुर्वेद अस्पताल सेवा केन्द्र यस धनगढीमाई नगरपालिकाको वडा नं.१० स्थित प्राकृतिक अस्पतालको भवनमा स्थापना गर्नको लागी उक्त केन्द्रका कार्यकारी निर्देशकज्यूलाई प्रमुख श्री शिव शंकर महतोज्यू र प्रमुख प्रशासकीय अधिकृत श्री गोपाल प्रसाद बगालेज्यूबाट आयुर्वेद अस्पताल स्थापना माग गर्ने सम्बन्धी पत्र हस्तान्तरण गरियो ।

धनगढीमाई नगरपालिका, सिरहाद्वारा आ.व .२०७९/०८० को पहिलो त्रैमासिकको सामाजिक स्रुरक्षा भत्ता बैंक मार्फत वितरण कार्य आज मिति २०७९/०७/०२ देखी सम्बन्धित वडा कार्यालयहरुमा भै रहेको छ । कुन-कुन वडामा कुन-कुन मितिमा भत्ता बितरण हुने भन्ने सुचना यस अगाडी नै प्रकाशन भै सकेको छ । तोकिएको मितिमा आ-आफ्नो वडा कार्यालयमा गएर भत्ता बुझ्नुहुन सबै लाभग्राहीहरुलाई जानकारी गराउँदछौं । साथै अहिले सम्म खाता नखोल्नु भएका लाभग्राहीहरुले तोकिएको बैंकमा गएर खाता खोली भत्ता समयमै बुझुनुहुन समेत अनुरोध छ । आज मिति २०७९।०७।०२ गतेमा वडा नं.१, ४ र १० मा भत्ता बितरण कार्यको केही तस्विरहरुको झलक यस प्रकार छन ।

- पञ्जीकरण शाखा

धनगढीमाई नगरपालिका धनगढी, सिरहा । 

धनगढीमाई नगरपालिकाको आठौं नगरसभाको दोस्रो बैठक धनगढीमाई नगरपालिकाको नव निर्मित प्रमुख प्रशासकीय भवनमा मिति २०७९।०३।२४ गते विहान ९ बजे देखि सुरु भएको थियो। नगर प्रमुख श्री शिव शंकर महतोज्यू, नगर उपप्रमुख श्री संगिता कुमारी चौधरीज्यू, प्रशासकीय अधिकृत लगायत, नगर सभा सदस्यहरु सहित नगरपालिकाका कर्मचारीहरुको उपस्थितिमा सुरु भएको थियो। सभाको दोस्रो बैठकले धनगढीमाई नगरपालिकाको आ.व.२०७९।०८० को विनियोजन विधेयक, नीति तथा कार्यक्रम र नीतिगत निर्णयहरु सर्व सम्मतिबाट पारित गरी नगर सभा सम्पन्न भएको छ ।