धनगढीमाई नगरपालिकाको पाँचौं स्थापना दिवस आज २०७७।०६।०१ गतेका दिन नगर उप-प्रमुख श्री फूलकुमारी श्रेष्‍ठको अध्यक्षतामा तथा नगर प्रमुख श्री हरिनारायण चौधरीको प्रमुख आतिथ्यतामा विभिन्न कार्यक्रम गरी मनाईएको छ । कार्यक्रममा विभिन्‍न राजनैतीक दलका प्रतिनिधिहरु, वडा अध्यक्ष, प्रमुख प्रशासकीय अधिकृत, कार्यपालिका सदस्य, वडा सदस्य, कर्मचारी तथा पत्रकारहरुको उपस्थिति रहेको थियो । कार्यक्रममा स्वास्थ्य चौकी भवन निर्माणका लागि निःशूल्क जग्गा उपलब्ध गराउने वडा नं. १ का श्री बालेश्वर महतो र वडा नं. ४ का श्री शिवध्यान सिंहलाई सम्मान गरिएको थियो । त्यस्तै नगर प्रहरी हवल्दार श्री ऋषि कुमार महतो नगर प्रहरी सहायक निरीक्षकमा, नगर प्रहरी जवानहरु श्री ईश्वर देव मण्डल र श्री राम भरोष ठाकुर नगर प्रहरी हवल्दारमा बढुवा भएकोमा वहाँहरुलाई दर्ज्यानी चिन्ह प्रदान गरिएको थियो साथै २०७६/७७ को उत्कृष्ट कर्मचारीको रुपमा छनौट भएका जनस्वास्थ्य अधिकृत श्री बिलट नारायण राय र सूचना प्रविधि अधिकृत श्री मनिष कुमार कर्णलाई सम्मान-पत्र प्रदान गरिएको थियो ।