आज मिति २०८० चैत्र ०२ गते शुक्रबार यस धनगढीमाई नगरपालिकाका नगर प्रमुख श्री शिव शंकर महतोज्यू, उपप्रमुख श्री संगीता कुमारी चौधरीज्यू, वडा अध्यक्षज्यूहरु वडा नं.१ देखि १४ सबै, कार्यपालिका सदस्यज्यूहरु सबै, आन्तरिक तथा विषयगत शाखा प्रमुखहरु लगायत शाखाहरुमा कार्यरत अन्य कर्मचारीहरु र वडा सचिवज्यूहरु वडा नं.१ देखि १४ सम्मको उपस्थितिमा नगर कार्यपालिकाको कार्यालयका प्रमुख प्रशासकीय अधिकृत श्री राज कुमार दासज्यूलाई स्वागत कार्यक्रम सू-सम्पन्न भएको छ।

तस्बिरहरुको केही झलक . . . . . .

https://www.facebook.com/photo/?fbid=721005460210596&set=pcb.72098899021...

आज यस धनगढीमाई नगरपालिकाको ११औं नगरसभाको बैठक धनगढीमाई नगरपालिकाको प्रमुख प्रशासकीय भवनमा मिति २०८० फाल्गुन १३ गते दिउँसो १:३० बजे देखि सुरु भएको थियो। नगर प्रमुख श्री शिव शंकर महतोज्यू, प्रमुख प्रशासकीय अधिकृत श्री ओम प्रकाश महतोज्यू, वडाध्यक्षज्यूहरु, कार्यपालिका सदस्यज्यूहरु लगायत नगरसभाका सदस्यज्यूहरुको उपस्थितिमा नगरसभा सुरु भएको थियो। नगरपालिकाको आ.व.२०८०।०८१ को रकमान्तर तथा स्रोत मिलान, वडा स्तरीय तथा नगर स्तरीय योजना संशोधन र धनगढीमाई नगरपालिकाको खानेपानी सरसफाई तथा स्वच्छता सम्बन्धी निर्देशिका, कार्यविधि, ऐन, २०८० निर्णयहरु सर्व सम्मतिबाट पारित गरी ११औं नगरसभा सम्पन्न भएको छ।

आज मिति २०८०।०६।२७ गते शनिवारका दिन यस धनगढीमाई नगरपालिकाका नगर प्रमुख श्री शिव शंकर महतोज्यूको अध्यक्षतामा आयोजित महान विजयादशमी, शुभ दिपावली तथा छठ पर्व २०८०को पावन अवसरमा शुभकामना आदान प्रदान कार्यक्रममा यस नगरपालिकाका नगर उपप्रमुखज्यू, प्रमुख प्रशासकीय अधिकृतज्यू, वडाध्यक्षज्यूहरु, कार्यापालिका सदस्यज्यूहरु लगायत आन्तरिक तथा विषयगत शाखा र वडा कार्यालयका कर्मचारीहरुको उपस्थितिमा जनप्रतिनिधिज्यूहरु र कर्मचारीहरुले आ-आफ्नो शुभकामना मन्तव्य सहित सुख, शान्ति, सु-स्वास्थ्य, दीर्घायू, एवम् समृद्धि तथा उत्तरोत्तर प्रगतिको हार्दिक मंगलमय शुभकामना दिनु भयो साथै आ.ब.२०७९।०८० मा सम्पादित सम्पादित स्वास्थ्य कार्यक्रमहरुको जिल्ला स्तरीय वार्षिक समिक्षा गोष्ठीमा यस धनगढीमाई नगरपालिका तृतीय स्थान हासिल गर्नु भएकोमा स्वास्थ्य शाखा अन्तर्गत कार्यरत कर्मचारीहरुलाई नगरपालिकाका नगर प्रमुखज्यूले हार्दिक वधाई दिनु भयो र सो कार्यक्रममा कैद गरीएका तस्वीरहरुको झलक.............

मिति २०८० श्रावण ०८ गते सोमबार नव निर्मित प्रमुख प्रशासकीय भवनको सभाहलमा नगर प्रमुख श्री शिव शंकर महतोज्यू, नगर उपप्रमुख श्री संगिता कुमारी चौधरीज्यू, प्रमुख प्रशासकीय अधिकृत श्री गोपाल प्रसाद बगालेज्यू, वडा नं.१ देखि १४ सम्मका वडाध्यक्षज्यूहरु, वडा नं.१ देखि १४ सम्मका वडा सचिवहरु, आन्तरिक तथा विषयगत शखाका शाखा प्रमुखहरु लगायत शखामा कार्यरत कर्मचारीहरु र सञ्चारकर्मीज्यूहरुको उपस्थितिमा यस धनगढीमाई  नगरपालिका नगर कार्यपालिकाको कार्यालयको गत आ.ब.२०७९।०८० को वार्षिक बजेट तथा कार्यकमको वार्षिक समीक्षाको  प्रस्तुतीकरणमा वडा तथा शाखाको भौतिक तथा वित्तिय प्रगति, चालु तथा पूंजीगत तर्फका कार्यक्रमहरुको समापन भएका कार्यक्रमहरु सम्पन्न भएका योजनाहरुको विवरण सहित समाजिक सुरक्षा भत्ता वितरणको विवरण पेश भई संचार माध्यमका प्रतिनिधि/पत्रकारहरुको उपस्थितिमा उक्त गोष्ठी कार्यक्रम समापन्न भएको थियो ।

उक्त गोष्ठीमा नगर प्रमुखज्यूले नगरपालिकाको समसामायिक गतिविधि तथा गोष्ठीको महत्व बारेमा प्रकाश पार्दै आगामी दिनमा योजना संचालन गर्दा सुधार गर्नु पर्ने कुराहरुमा प्रकाश पार्दै आफ्नो मन्तव्य सहित समीक्षा गोष्ठीको समापन गर्नु भएको थियो । समीक्षा गोष्ठीको केही झलकहरु . . . . . . . .