आज मिति २०८० जेष्ठ १५ गते गण्तन्त्र दिवशका दिन यस धनगढीमाई नगरपालिकाको नव निर्मित प्रमुख प्रशासकीय भवन, धनगढीमाई नगरपालिका वडा नं.१० श्यामपुरमा धनगढीमाई नगरपालिकाको आवधिक योजना निर्माण गर्ने सम्बन्धमा जनप्रतिनिधि, कर्मचारी र परामर्शदाताहरु वीच अन्तरक्रिया कार्यक्रम सम्पन्न भयो ।

साथै सोही दिन विहान ११ बजे नवनिर्मित प्रमुख प्रशासकीय भवनमा प्रवेशको लागि भवनको स्वस्ती शान्ती पूजा अर्चना गरिएको छ । उक्त पूजामा नगर प्रमुख, उप प्रमुख, प्रमुख प्रशासकीय अधिकृत, कार्यपालिका सदस्यहरु, वडा सदस्यहरु लगायत नगरपालिकामा कार्यरत सम्पूर्ण कर्मचारीहरु सरिक हुनु भएको थियो । आज सम्पन्न भएका सम्पुर्ण कार्यक्रमहरुको अध्यक्षता नगर प्रमुख श्री शिव शंकर महतोज्यूले गर्नु भएको थियो ।

"स्वास्थ्यको लागि खेलकुद, राष्ट्रको लागि खेलकुद"

धनगढीमाई नगरपालिका स्तरीय

१३ औं राष्ट्रपति रनिङ शिल्ड प्रतियोगिता, २०७९

२०८० बैशाख ६ गते बुधबार

निर्मल लामा स्मृति कबड हल, जिरोमाईल (सिरहा)

आज मिति २०७९।१२।०७ गते मंगलबार यस धनगढीमाई नगरपालिका धनगढी सिरहा र दलित जनकल्याण समाज धनगढी सिरहा तथा स्थानीय जातीय विभद् तथा छुवाछुत अनुगमन समितिको सहकार्यमा ५८ ‍औं अन्तराष्ट्रिय जातीय तथा रंगभेद दिवस धनगढी, सिरहामा भव्यताका साथ मनाईएको छ। उक्त कार्यक्रम धनगढीमाई नगरपालिका नगर कार्यपालिकाको कार्यालय धनगढी, सिरहाको प्राङ्गणमा भेला भई प्लेकार्ड र विभिन्न नारा सहित प्रभात फेरी गरी धनगढी बजार परिक्रमा गरी धनगढी, सिरहा स्थित कृषि बजारको प्राङ्गणमा गएर कोण सभामा परिणत भई समापन भएको थियो। समापन कार्यक्रममा प्रमुख श्री शिव शंकर महतोज्यू, इलाका प्रहरी कार्यालय धनगढी, सिरहाका प्रतिनिधि, दलित जनकल्याण युवा कल्व लहान, सिरहाका प्रतिनिधि श्री शोभा बरालज्यू लगायत स्थानीय जातीय विभद् तथा छुवाछुत अनुगमन समितिका अध्यक्ष श्री टिका राम विश्वकर्माज्यूले आ-आफ्नो मन्तव्य राख्नु भएको थियो। मन्तव्य राख्ने वक्ताहरुले जातीय तथा रंगभेद संविधान गैर सम्वैंधानिक कार्य भएको र समाजबाट यसलाई हटाउन जनताहरुमाझ जनचेतना फैलाउन आवश्यक देखिएको कुरा बताउनु भएको थियो।

निर्वाचन अधिकृतको कार्यालय क्षेत्र नं.२ धनगढी, सिरहामा कार्यरत रहेका निर्वाचन अधिकृत लगायत निर्वाचनमा खटिएका सम्पूर्ण कर्मचारीहरुलाई धनगढीमाई नगरपालिकाद्बारा सम्मान तथा विदाई कार्यक्रमका केही झलकहरु।